1)പക്ഷികളെ നിരീക്ഷിക്കാനായി പോകുമ്പോൾ ശ്രദ്ധിക്കേണ്ട കാര്യങ്ങൾ എന്തെല്ലാം ?
*പക്ഷിയുടെ പേര് ,നിറം ,വലുപ്പം തുടങ്ങിയവ
*കണ്ട സമയം ,ദിവസം ,സ്ഥലം
*കൊക്ക് ,കാൽ ഇവയുടെ പ്രത്യേകതകൾ
*ഭക്ഷണം കഴിക്കുന്ന രീതി
*ഒറ്റക്കാണോ കൂട്ടമായാണോ കണ്ടത്
*കൂടൊരുക്കുന്ന രീതി
*കൂടിന്റെ പ്രത്യേകതകൾ
*ശബ്‌ദം
*ആൺപക്ഷിയും പെൺപക്ഷിയും തമ്മിലുള്ള വ്യത്യാസം
2)പക്ഷികളെക്കൊണ്ടുള്ള പ്രയോജനങ്ങൾ എന്തെല്ലാം ?
*മൂങ്ങയും പരുന്തും പോലെയുള്ള ഇരപിടിയന്മാർ എലികൾ പെരുകുന്നത് തടയുന്നു .
*വിത്തുവിതരണത്തിന് സഹായിക്കുന്നു .
*കീടങ്ങളെ നിയന്ത്രിക്കുന്നു.
*പക്ഷികൾ നമ്മുടെ ചുറ്റുപാടിനെ മനോഹരമാക്കുന്നു .
3)പക്ഷികളുടെ എണ്ണം കുറയാനുള്ള കാരണങ്ങൾ എന്തെല്ലാം ?
*വർധിച്ച കീടനാശിനി പ്രയോഗം .
*കാലാവസ്ഥാ വ്യതിയാനം .
*വനനശീകരണം
*വേട്ടയാടൽ
*കാട്ടുതീ
4 )പക്ഷികളുടെ എണ്ണം കുറയുന്നത് പരിസ്ഥിതിയെ ബാധിക്കുന്നത് എങ്ങനെ ?
*ജൈവവൈവിധ്യം നഷ്ടപ്പെടുന്നു .
*എലികളും കീടങ്ങളും പെരുകുന്നു .ഇത് വിളവ് കുറയുന്നതിന് കാരണമാകുന്നു .
അങ്ങാടിക്കുരുവി
മനുഷ്യവാസമുള്ള സ്ഥലങ്ങളിൽ കൂടുതലായി കാണുന്ന പക്ഷിയാണ് അങ്ങാടിക്കുരുവി .നഗരപ്രദേശങ്ങളിലും ഗ്രാമപ്രദേശങ്ങളിലും ഇവയെ കാണുന്നു .വനപ്രദേശങ്ങൾ ,പുൽമേടുകൾ എന്നിവിടങ്ങളിൽ ഇവ കുറവായിരിക്കും .ധാന്യങ്ങളുടെയും കളകളുടെയും വിത്തുകൾ ,പ്രാണികൾ തുടങ്ങിയവയെ ഇവ ഭക്ഷിക്കുന്നു .ഇപ്പോൾ വംശനാശ ഭീഷണി നേരിട്ടുകൊണ്ടിരിക്കുന്ന പക്ഷിയാണ് അങ്ങാടിക്കുരുവി .
VIDEO
👇
0 Comments
Please do not enter any spam link in the comment box