തത്സമയ വിവരണം (ദൃക്‌സാക്ഷി വിവരണം)
ഒരു മത്സരം (സംഭവം ) നടക്കുമ്പോൾ തന്നെ നേരിൽ കണ്ടുകൊണ്ടിരിക്കുന്ന ആൾ നൽകുന്ന വ്യക്തമായ വിവരണം ആണ് ദൃക്‌സാക്ഷി വിവരണം.
ദൃക്‌സാക്ഷി വിവരണം നടത്തുമ്പോൾ എന്തൊക്കെ കാര്യങ്ങൾ ശ്രദ്ധിക്കണം .
*അനുയോജ്യമായ ഭാഷ ഉപയോഗിക്കണം .
*കേൾക്കുന്ന ആൾക്ക് സംഭവം നേരിൽ കാണുന്ന പോലെ തോന്നണം .
*ചടുലമായ ഭാഷാപ്രയോഗങ്ങൾ വേണം.
*ലളിതവും ആസ്വാദ്യകരവുമായ ഭാഷയാണ് ഉപയോഗിക്കേണ്ടത് .
*സൂക്ഷ്മാംശങ്ങൾ വിട്ടുപോകാതെ വിവരണം തയാറാക്കണം .
പ്രവർത്തനം
പാഠപുസ്തകം പേജ് നമ്പർ 52 ലെ പാഠഭാഗം ദൃക്‌സാക്ഷി വിവരണരൂപത്തിൽ എഴുതാം .
പുന്നമടക്കായലിലെ ഓളങ്ങളെ പുളകച്ചാർത്തണിയിച്ച് ഞാൻ മുമ്പേ....ഞാൻ മുമ്പേ.... എന്ന് വിളിച്ചറിയിച്ച് ജലരാജാക്കന്മാർ ഫിനിഷിങ് പോയന്റിലേക്ക് കുതിക്കുകയാണ്.ആയിരമായിരം കാണികളും തുഴക്കാരും മുഴക്കുന്ന തിത്തിത്താരാ തിത്തെയ് തക തെയ് തെയ് തോം എന്ന വായ്‌ത്താരികളാൽ അന്തരീക്ഷം മുഖരിതമാകുന്നു .ഇഞ്ചോടിഞ്ചു പോരാട്ടം...ആരാണ് ഒന്നാമതെത്തുക .കാവാലം ചുണ്ടനോ ,പാർത്ഥസാരഥിയോ ,അതോ നടുഭാഗം ചുണ്ടനോ... ഒന്നും പ്രവചിക്കാൻ ആവുന്നില്ല .ഇതാ കാവാലം ചുണ്ടൻ മറ്റെല്ലാ ചുണ്ടൻവള്ളങ്ങളേയും പിന്തള്ളി അല്പം മുന്നേറിക്കഴിഞ്ഞു .കാവാലം ചുണ്ടനിലെ തുഴക്കാർ വിജയം ഉറപ്പിക്കാനുള്ള ശ്രമത്തിലാണ് .പക്ഷെ ,വിജയം തങ്ങൾക്കാണ് എന്ന് പ്രഖ്യാപിച്ച് നടുഭാഗം ചുണ്ടൻ പാഞ്ഞടുക്കുന്നു... മറ്റുവള്ളങ്ങളെ പിന്തള്ളി മുന്നേറ്റത്തിന് തയാറാവുകയാണ് .അല്പം പിന്നിൽ നിന്നിരുന്ന മറ്റുവള്ളങ്ങളും കളി അവസാനിക്കാറായപ്പോഴേക്കും ഒരേ നിരപ്പിൽ വന്നുകഴിഞ്ഞു...അതെ...ഒരേ നിരപ്പിൽ വന്നുകഴിഞ്ഞു...ഓരോ തുഴയെറിയുമ്പോഴും ആവേശത്തിന്റെ പൂത്തിരി കത്തിച്ച് ചീറിപ്പായുന്ന വള്ളങ്ങളോടൊപ്പം ആർപ്പുവിളികൾ കൊണ്ട് ഇരുകരകളും ഇളകിമറിയുന്നു .തിത്തെയ് തക തെയ് തെയ് തോം....അതെ... അതെ... നടുഭാഗം ചുണ്ടൻ വിജയം ഉറപ്പിച്ചിരിക്കുന്നു .
പ്രവർത്തനം
നിങ്ങൾ സാധാരണയായി കളിക്കുന്ന ഏതെങ്കിലും കളിയുടെ ദൃക്‌സാക്ഷി വിവരണം തയ്യാറാക്കുക .
ചേർത്തെഴുതാം (പേജ് നമ്പർ - 54)
നവഭാരത ശില്പി - ജവഹർലാൽ നെഹ്‌റു
ഇന്ത്യയുടെ വാനമ്പാടി - സരോജിനി നായിഡു
ഇന്ത്യയുടെ പൂങ്കുയിൽ - ലതാ മങ്കേഷ്‌കർ
ഏഷ്യയുടെ പ്രകാശം - ശ്രീബുദ്ധൻ
വിളക്കേന്തിയ വനിത - ഫ്ലോറൻസ് നൈറ്റിംഗേൽ
കേരളസിംഹം - പഴശ്ശിരാജ
0 Comments
Please do not enter any spam link in the comment box